رد: ..أهــدي بيت شعر لمن بعدك

من طرف **شموخ امرأة** السبت نوفمبر 14, 2009 6:27 pm

هلا بصاحب عزة النفس والجود
اللي تبشر النفس ساعة
وصاله..!
لو يبتعد عنا على البال موجود
ذكره على الخاطر برغم
انشغاله..!
وافي ولا به من العذاريب منقود
جعل السعادة عبر الايام
فاله..!

يا مرحبا باللي يطري على البال

وترحيب منه وصلنا وافي المعاني

كلام طرب لغنيه موال

وطيب مثلكم ما مره هجاني

حروفكم منها الطيب سال

والجود منها جيته وجاني

من طرف **the king of love** السبت نوفمبر 14, 2009 7:46 pm

ارجوك شفني من عنا الوقت ملتاع .*.*.*.حتى الصبر ماعاد لي فيه حيله
فيني هموم وحزن وطعون واوجــاع.*.*.*.وكل الجهات الاربعه مســتحيله

من طرف **ABO - SAND** السبت نوفمبر 14, 2009 8:37 pm

ولاووووووووووووووووووو

ما قل دل وزبدة الهرج نيشان* والهرج يكفي صامله عن كثيره
الذم ما يهفي للاجواد ميزان * والمدح ما طول ايدينن قصيره

كرامتي ما هي مثل عملة الين * بالعز مثل اختي وأنا مثل اخوها

الشعر معنى حكمته بعد الادراك
وما كل يلمع على النور غالي

من طرف **ABO - SAND** السبت نوفمبر 14, 2009 8:52 pm

اي بالله هلا والله

من طرف **the king of love** السبت نوفمبر 14, 2009 8:55 pm

هلا والله

بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشه

لا تستشير الا صديق يودك
في الله صافي السر مامون عاقبه

وترى شور ما لا يستشيرونه الملا
شمعه نهار في ضيا الشمس دايبه

وأرى النصايح في البرايا فضايح
وكم ناصح اضحى له الناس عايبه

من رابع الخايب سكن دوم واياه
لبس الدناسه عقب لبس الجدادي

ومن طاوع الشيطان في دينه اغواه
يصبح غريق بين الامواج غادي

ومن عاشر الطيب ترى الطيب شرواه
وبالطيب يرقى نايفات المبادي

خلك مع الطيب وممشاك ممشاه
ورافق على الربع القروم العوادي

عز الفتى دينه وسلمه ومرباه
وربعه عضوده عند قدح الزنادي

تاقف معه وبقدر الامكان تحماه
لا صار باطراف الحبال انعقادي

من طرف **ABO - SAND** السبت نوفمبر 14, 2009 9:06 pm

اعطيها

اضرب طريق الخير واسلك مسيره
ولا تلتفت للناس عوجاه واقداه

ولو طال عمرك عارف وش مصيره
ازبن ولي العرش واتعب على رضاه

وأد الفروض الاوله والاخيرة
واضف لهن مخافة الله ورجواه

اضرب طريق الخير واسلك مسيره
ولا تلتفت للناس عوجاه واقداه

ولو طال عمرك عارف وش مصيره
ازبن ولي العرش واتعب على رضاه

وأد الفروض الاوله والاخيرة
واضف لهن مخافة الله ورجواه

لاتـــخـــــلـــط اوراااق الــــهــواى كـــلــــن تـــرى لــه مــســتــوى
وان كـــانـــك عــلى غـــيــري قـــدرت اصــــابــعــك مــــــاهــي ســــوى

قصر يذلك لا تقابل مبانيه
خله عسى شامخ طويله هدامي

خله عسى ما صاب اغادير يفنيه
يودع منازله الطويله رجامي

لو زان مدخاله وطالت حواميه
شيد على الخيبه قليل الرحامي

وحي يوريك المذله وتغليه
انا اشهد انك ميت القلب عامي

من لا يودك لا توده وترجيه
ارفع مقامك يا عزيز المقامي

ارفع مقامك عن عدوك وتوذيه
ويلحقك من تركة رفيقك ملامي

حق الرفيق وواجبه لا تخليه
يلزمك مثل الوالدين الحشامي

اختر عزيز الجار والحق يعطيه
شبل على هرج يقوله يحامي

ومن قارب الاجرب بالامراض يعديه
عدواه تسطي باللحم والعظامي

درب السلامه بينات مماشيه
ودرب العطب يرث عليك اللكامي

مـاكـل مـن حبـك تعـود يداريــك
............. ولاكـل مـن يهـواك عينـك تريدة
وانـا واحـدٍ مـاتعرفه بــس يغليك
............. وده بوصلـك بــس مـاهـو بـإيـدة
غـيـر القلــم وده بصـوتــه يناجـك
............ و يـنثر لـك الأبيـات بعـذب قصيدة
حـب الوفـا طبعي وهاذي مباديك
............. و مـن حفني بالطيب طيبه نزيدة
لـي الفخر أنـك رفيقـي و أخاويك
............. و أقـــول بـاذن الله رفقه سعيـدة

لا خاب ظني بالرفيق الموالي
مالي مشاريه على نايد الناس

لعل قصرٍ ما يجيله اظلالي
ينهد من عالي مبانيه للساس

لا صار ماهو مدهل للرجالي
وملجا لمن هو يشتكي الضيم والباس

بحسناك يا منشي حقوق الخيالي
يا خالق اجناسٍ ويا مفتي اجناس

تجعل مقره دارس العهد بالي
صحصاح دوٍ دارس ما به اوناس

البوم في تالي هدامه يلالي
جزاك يا قصر الخنا وكر الادناس

متى تربع دارنا والمقالي
وتخضر فياض عقب ماهيب يباس

نشوف فيها الديدحان متوالي
مثل الرعاف بخصر مدقوق الألعاس

تخير اذا رافقت من الناس عارف
رجل اذا شان الزمان يطيب

رفيق على عسر الليالي ويسرها
كما الزرع,, في وقت الدهور خصيب

امين يحفظ السر عن ساير الملا
حفيظ على ما في الضمير قطيب

لولا الردي ما صار للطيب سمعه
لاشك لهذا ضد ذاك يصير

والناس مثل الماء غدير ومالح
هذا ملاح وذا زلال غدير

والاجواد قربتهم تبيض وجودهم
تنفع ولا من قربهم تأثير

والاشرار نفعتهم مكافاة شرهم
والا ترى قرب اللئيم خطير

الرجل عقل ومرجله وديانه
بلاشك راعي ها الثلاث ظهير

في ذمتك يا اغلى البشر ما ضاق صدرك فالغياب
ولا ولهـت لشوفتي .. في ذمتك يا اغلى البـشر

ما عـدّها في حسبتي فتـرت ذهـابك والآيـاب
تسـاوت الحـسبه معي يوم أو سنه مدري شـهر

يالـعنبو من لامـني لاصرت اخـربط بالحساب
صـرت النـهار اكافحه واللـيل اقـزرها سـهر

لجوح جوح الذيب واسهر بين ولاه وويلاه

من طرف **ABO - SAND** السبت نوفمبر 14, 2009 10:28 pm

ياااااااااااااااااااااااااا رااااااااااجل

هلا بيك

ان نبقى سوياً مدى الحياة

ان نجعل حبنا يفوق الخيال

ان نكتب قصة حبنا في كل مكان

ان نغسل قلوبنا من نهر العذاب