نمر العدوان والاسطوري

الاسطوري والعدواني في ميدان مقهى بانيت

بقلم – ملكي المقهى نمر بن عدوان وامبراطور الحب الاسطوري

05/03/2009 05:15:50

http://www.panet.co.il/online/articles/30/31/S-182790,30,31.html

العدواني : هذا المقهى يا شعراء مقهى بانت ، للي فيه شده يقلط يعني يقدم معي واشوف من يكمل معي .. على كثرة مقهى بانت يشكـي مـن القلـه وحتى من تواجـد ناعـسٍ والنـوم بعيونـه
انا مدري وش اللي صاير ولا ادري عن العله
ودي واحد يفهمني ولـو باللغـز مضمونـه
الاسطوري :
إذا سمح لي الأخوان الشعراء والمعقبين فاتشرف يا العدواني بدخول هذا المقهى واكون معاك واكمل للاخير .. خذ واستلم يالغالي ولا هنت ..
اللي جاك يا نمر بديت تجيب الأدله
تبين فيها نظرتكـم علـى عـودٍ زهـا لونـه
ألا فليعلـمـوا والله فــلا فيـنـا حـشـا ذلـــه
الا والحاضر يكفي سقـاه الوسـم بمزونـه
العدواني :
هلا بيك يا الاسطوري .. اشهد لله انك شهم وتكفى البطن اللي شالتك بالنزيف .. يلا يا الاخو شد معي ولا تتوخر ..
حشى لله يا اسطوري فـلا بـك ظـن او خلـه
علومك غانمه تشهد على افعـال موزونـه
ولكن البلى في البعض من يحسب على المله
الاسطوري لانشد عنـه وفعلـه مـا تشوفونـه
الاسطوري :
حياك الرب الواحد القهار يا النمر .. استلم ولا هنت ..
يطيـب بعلمنـا شخصـك تشـد الـعـزم وتشـلـه
طوارف بحرك الصافي يعور العين مـن لونـه
تعلمـنـا عـلـى التفكـيـر فهمـنـا درسـنـا كـلــه
كواحد النمر الغالي يساوي عشرين ياهونه!!
العدواني :
تسلم يا الاخو على الرد .. يشهد الله انك مزيون وزينتك بالقوافي .. خذ مني واستلم يا النشمي ..
هلا بك يا بن عمي ياكريـم الأصـل والملـة
هلا بك عد ماغنى القميري بأعـذب لحونـه
أنا بعطيك وش رأيي ونسمع باقـي الشلـة
لعل برأيهم نلقـى طريقـة حـل مضمونـة
ترى التقصير منا ياعزيـزي والسبـب كلـه
تواكلنا على بعضٍ وكـل قـال ( تكفونـه )
بعضنا مأخذه شغلـه وبعضنـا عامـر فلّـه
وفصل الصيف والسفرات خلى البعض ينسونه
ورأيي مايبي مجهود لو إن الكل يفطـن لـه
بسيطٍ مثل شرب الماء على الأخوان ياهونـه
لو إن اللي يعرف أحدٍ من الرواد يرسل لـه
ومن عرفوا من الشعّار والكتّـاب يدعونـه
بقولة ياهلا مرحب علـى الفنجـال والدلـه
علومٍ غانمة معها قصايـد شعـر موزونـة
ترى هالمقهى منكم وفيكم وأنتـم أهـلٍ لـه
وهــذا مقهاكم يا الغالين لا تخلـونـه
الاسطوري :
صح لسانك يا شاعر العرب على ما قلت .. هذا ردي عليك يا الطيب ..
رى الطيّب يلاقي عذر للكسلان ما دلّـه
وعذرك يا عزيز النفس عنهم ما يدارونه
نفاخر باصلنا والبيت متروكٍ علـى حلّـه
ونبني في بيوت الغير ضيفان على الشونه
اذا منك دعيت الضيف ما تركي له الدلـه
يجنب بيتك الضيفان لـو كانـوا يدلّونـه
وحتى لو زعجت الصوت تال الليل وتتلـه
تصيّح في الخلى محدٍ على كيفك يردونـه
قبل ما تدعي الضيفان ارفع بيتك وعلّـه
ولم الشمل من حولك اذا من جاء يهلّونه
ترى مالي بحرف النسخ والإدغام والعلّه
ودي فعلٍ سليم وجمع سالم ما يكسرونـه
ودي هالمقهى كالشمس ما تنفع بها الظلة
تلاحق من يلوذ وتجهر اللي مرخي عيونه
العدواني :
اسمع قولي ولا هنت يا اسطوري ..
نعـدل الميـل مـن جنبـه إلـى مـن زاد مختـلـه
مساويـط البلـى كلـه كـمـا أســد بــه جنـونـه
ودنا نـتـرك لـنـا مـاسـة لـتـاج الـعـز تحتـلـه
تكون بها نـواة الخيـر لهـذا الشـيء ياعونـه
وأنا ما أظن هذا الشيء بدرس السهل ونحله
يبي للأمـر كـم عضـه علـى برطمـك بسنونـه
وإلى مـا بانـت لحونـك علـى جيـلٍ يجـي دلـه
ترا هذي ثمـار الجهـد وهـزع المجـد بمتونـه
وحـنـا مـعـك لـلأخـر نعاهـدكـم عـلـى الـمـلـه
بنكتب صفحة التاريـخ وخـل النـاس يقرونـه
الاسطوري :
تكفا يا الشاعر يا النمر .. ارد عليك وقول
ترى يدٍّ لحاله يا فطيـن الـراي منشلّـه
خلقها الله لنا ثنتين تعادل بعض موزونـه
انا ما همني من قال المقهى اصلـه وكلـه
مادمه بالفعل ماشال بعض الحمل بمتونـه
إذا حنا ودنا نرفـع المقهى الفخـر ونجلّـه
علينا نرفع النادي ومن بالفعـل يرعونـه
وش اللي قاصر فينا مادام الطيـب وندلّـه
وهذا المقهى بيتنا الثاني يعلي حصونـه
ودنا وقفة رجل واحد نداوي الجرح ونملّـه
ومن ميّل عن دروب السناعه خاب مظنونه